Цаг орой болжээ. Ажил их. Яадаг ч юм бил ээ дээ. Гарч ганц пийв уух юмсан. Гэснээс ганцыг ууж байсан удаа байгаам болов уу надад. За больсон нь дээр биз. Маргааш заки дээр ахиад үнэртүүлж орвол дуусах биз. Маргааш нөгөөдөр 2 ч яахав паартитай. Эхний өдөр нь хүний паарти. Дараа нь минийх. Даанч шоудах нь хамаатай тэр хэдэн цагтаа л кайфтай . Маргааш нь манараад шартаад сэрэхээр ямар л олиг байхав дээ. Хэдэн цаас үрсэнээ мэдэх агшинд бүүр ч бүрсиймээр. За түрийвчээ улайлгачаад арзайгаад алхах бол бүүр ч. Уг нь сүүлийн үед дэлгүүр хэсч хүнс цуглуулах нь ихэсч, хэд хэдэн ном аваад овоо л байгаа юмсан.
...Хэд хоногын өмнө орой явж байгаад шонгийн модны гэрэлд ойрхон ургасан навчис ногооноороо байхыг харсан. Азтай золигнууд арай урт насалчлаа шүү. Аль эсвэл азгүй ч юм уу... жам ёсноос ангид байх утгагүй.
...Манай усан гахай хоолноос гарсан. Арга ч үгүй биз дээ өвсөнд нугасгүй юм хойно. Орой хаалга түлхүүрдээд орохоор л хачин жигтэй цангинатал дуугарна. Өвс уутнаас гаргаж өгөхөд гардаг авианаас болоод бас уут шажигнах чимээнээр чарладаг зуршилтай болчихсон. Зайлуул хоол өгөөч гэж орилж байгаа нь тэр. Надтай таарсан зожиг зантай. Ааш нь гэж бас авах юмгүй. Амгалан тайван амарч байхад нь авах гээд гараа сарвайвал шууд л хазна. Аажмаар гараа ойртуулахаар ярдаг нохой яраглаж байгаам шиг ойр ойрхон цангинаад унана. Зайлуул амьд амьтан юм хойно ганцаар явсаар ааш нь эвдэрч байгаа байх. Ижилдүүлж эвцэлдүүлэхсэн. Бодвол ганцаардаж ганихардаг л байлгүй дээ...
...Сардаа дор хаяж хоёр шоуддаг саваагүй үйлдэл маань бүүр зуршил болчиж. Шоудахаараа чихдэж чимхэлэх гэдэг зан маань яв явсаар мэргэжил болчиж. Ганцаардлаас гарах гэж өөрийгөө сатааруулдаг байсан нь одоо бүүр миний амьдралын салшгүй нэг хэсэг нь ч болчихож. Мэдсээр л зөрчилдсөөр л...
...Энэ эргэцүүлэл. Эсэн бусын бодлын хөврөл. Эсрэг тэсрэг дундах үсчилт. Энэ бүхэн эндээс л эхэлж...
Тэгэхдээ ганцаас бусдад нь
Тэр тусмаа чиний л төлөө
Тэнгэрийн дор амьдрах ёстой
Зөрөөд өнгөрөх сайхан бүсгүйг
Зүү шиг харцаар шивэх эрхгүй
Зөөлөн энхрий дулаан харцыг
Зөнгөөрөө мэдэрч угтах эрхгүй
Эрх танхил охин аалинд
Элгээ дэвтээж уярах эрхгүй
Эгэл монгол бүсгүйн өвөрт
Энгэрээ нээж эрхлэх эрхгүй
Тэр дурлах эрхгүй залуу
Тэгэхдээ ганцаас бусдад нь
Тэгээд бас нэгэн охин үрд
Тэнгэрлэг хайраа өгөх ёстой
...Өөрөөсөө зугатаад хөдөө ажиллахаар явсансан. Гэсэн хэдий ч ухамсар өгүүлсээр л байж...
Аадар бороонд ч үл ажрих
Аянга цахилавч үл эмээх
Атгаг санаанд үл дарагдах
Аясын салхинд ч үл хууртах
Дэнжийн цэцэгст ч үл сатаарах
Дэврүүн зүрх минь энэ байна
Ав даа бүсгүй минь. Бүүр өгье.
Аргамжаандаа би өөрөө үлдэе дээ.
Ухамсарт ийн дийлдэх нь
Уйтай бас хорсолтой
Үл эвлэрэх ч, эс чадах
Үгээгүй хоосон хөндий.
...Харин тэр үеийн ганцаардал минь одоо ч өнгө төрхөө хадгалсаар л байна...
Ганцаардал минь аз жаргалаас
Ганцхан хуруу л зайтай
Гайтай ч бас таатай
Ганган биш зэвхий саарал
Хээ угалзгүй цулгуу
Хэврэг атлаа эвдэршгүй
Үдэш ирээд өглөө зугтдаг
Үнэгэн зантай ч үнэнч
Гаднаа хоосон дотроо дүүрэн
Ганцхан түүнд л би хайртай
Хуучин цагт буруу найрагч хийж бузгай шүлэглэж явжээ. Оройжин блогоо уудалж суусаар урдах ажлаа умартаж орхиж...
Сэтгэгдэлүүд:
ойрд ч ажил ихтэй янз бүрийн юм бодох завдалгүй л байна, за би бодоод ч ямар хэрэгтэйм биш дээ, бодкүү л явжийвал амар ч юм шиг...их залхалтын үе эхэлжаах шиг байна.
Приск: Явах хүсэл бүгдэд төрнө. Гагц их бага аль нэгэн агшинд. Гагц явж, явсанаа ярьж чаддаг нь би байх тийм үү?.
Уудам: Биелэх болтугай. Баярлалаа би их билэгшээлээ шүү.
Ганцхан хуруу л зайтай
гоё хэлж
ойлгож бнаа, тэр сэтгэлийг ч гэхшиггггггг
молор: tnx
амор: тэхх.
amjilt
Олли: Ха ха. Усан гахай ч угаас ухаан нь үл ялиг амьтан юм шиг байна лээ. Дасаж ээнэгшихийн хувьд бол барагтай л үгүй.
Сэтгэгдэл үлдээх: