Утга алга уу?

Өглөө ажилдаа явж байхдаа, өдрийн унд уухаар гарахдаа, оройд харих зуураа эргэн тойрноо нэг сайн ажиглаарай. Зөрж өнгөрөх хүмүүсийн нүд ямар байна.  5 хүн тутмын 4 нь хөмсөгөө атируулан бодолд дарагдсан бас яарсан алхаатай. Толгой дотор нь түмэн бодол эргэлдэж, зүрх нь түгшиж байгаа. Хайр дурлал, мөнгө, худал хуурмаг, мэхлэлт, утга учирын эрэл хайгуул. Учир нь би ч адил бусдыг ийн бодуулахад хүргэдэг. Би худлаа ярьдаг. Би хууран мэхэлдэг. Бусдад мөнгөө алдах вий гэхээс их айдаг. Бусдыг хайрлан энэрэхээс илүүтэй өөрийгөө боддог. Арга ч үгүй биз. Амьд явах гэсэн хүсэл минь л энэ.

Хүнд бага өгч их авахыг л бид хүсдэг. Энэ насандаа их бага хэмжээгээр бүгд л олсон авсан хөрөнгө орлого бас зарлагатай. Монголчууд бид худал ярьж, хуурч мэхэлж, хулгайлж дээрэмдэж, бусдыг их бага хэмжээгээр хохироож зовоож олчихоод эргээд идэж уух нь барагдахгүй элбэг дэлбэг баяр ёслол, хурим найр гэж хийхийг нь яана. Олсон нь овоо болоод ирэхээр өглөг буян гэж цацдаг хүмүүсийг бүүр ч ойлгохгүй. Sounds like "rob Peter to pay Paul". Хэдэн хүний хэр зэрэг зовлонг хэдэн хүнд хэдий хэмжээний жаргал болгон бэлэглэнэ вэ?. Эдийн засаг нь хямраад ард түмэн нь амьдрахад бэрх болж байна. Бид үй түмээрээ ядуурна. Ядууст туслах халамж нэмэгдсээр л. Халамжаа бүрдүүлэхийн тулд татвараа нэмсээр л. Татвартаа дарагдсан олон нэг нэгээрээ сөхөрсөөр л. Халамж нэмэгдээд л. Эсвэл одоо байгаа өвгөд эмгэд, хөдөлмөрлөх чадваргүй хэдийгээ цааш нь харуулаад эгэл олноо аврах уу?. Талыг нь өгнө, иүү өгнө, бага өгнө. Энэ хэдэн орд газруудаа эсвэл бүүр зарчихаасай билээ. Халуун зунаар хэдэн малаа алчихаад мах нь үнэр орсоор байхад үнэрхээд сууж байгаа эргүү хүн шиг л байна. Энэ гариг ертөнц дээр хүн төрөлхтөн энэ янзаараа хэр удаан энх тунх аж төрөх бол. Эмх замбараагүйдэл энд тэндгүй ихсэж байна. Эрт орой хэзээ нэгэн цагт энэ хүмүүнлэг хүний төлөө нийгэм нурах л болно. Хүмүүс бид энд тэндгүй их садарлаж, хэдэн биенээ худал царайгаар хэт их хайрласны хар гайгаар хүн ам тоо томшгүй олон болж байна.

...Ажил хийх сонирхолгүй үедээ манайхан Age of Empires тоглодог. Алт, чулуу, мод, хоол хүнс олборлоод л түүгэрээ улс байгуулж цэрэг зэр зэвсэг бүтээж бусдаас өрсөж илүү их алт, мод, хүнс олох гэж дайтдаг. Тоглоомын гол зорилго бол хожих. Дангаар эсвэл холбоотнуудынхаа хамтаар бусдыг бүрэн устгана гэсэн үг. Алт нь дуусчихаар модоор алт авна. Хүнс нь олдохоо байхаар модоор тариа тарьж хүнс олно. Харин модыг нь дуустал тоглож үзээгүй. Хэрвээ мод нь ч адил дуусвал хөгжил нь зогсоно.

Бидний зүг ийм л мухардал айсуй юм шиг. Байгаль дэлхий маань сүү нь татарсан чуганц адил харин хүмүүс бид түүний хүрэн бөөртэй хүний хүү нь болж. Бодоцгоо бодоцгоо. Өнөөдөр яаж арван алимаар хорин хүүхдийг хуурах вэ?. Маргааш нь таван алимаар тавин хүүхдийг хуурах гээд мухардана.

Аль болох тахал их гарч, дайн дажин их хийж хүн ам үй олноороо цөөрч байж л амьдрал хэвийн хэмжээнд очиж амьдрах баталгаа байгаль эхийн баялаг сэргэж өсөн нэмэгдэх бус уу. Ингэхээр эцэст нь юу зөв юм бол. Эцсийн эцэст бид зүгээр л араатан амьтад. Ялгарах зүйл нь хүмүүс дэндүү хулчгар. Бид үхэхээс үхтлээ айдаг. Амь зоволгоо аль болох удаан барьж тогтоохын төлөө бид их зүйлийг бүтээсэн.

Аа тийм. Дандаа гэж үү?. Жаргалтай амьдарч харагдах сайхан уу?.

Уг нь би ч тийм уруугаа харсан амьтан биш л дээ. Ар гэр гэж татаж чангаах амьтан үгүй. Авсан олсоноо хурааж мэддэггүй. Дурлаж хайрлаад дагаад салбайхгүй. Дарвих дуртай. Садарлах ч дуртай. Даварсан ч замаа алдахгүй. Зүгээр л эргэн тойронд байгаа бүхэн огт таалагддаггүй хэрэг. Тэглээ гээд үсээ ургуулаад, биеээрээ дүүрэн шивээс хийгээд орчлон ертөнцөөс тасарцан юм алга. Харин нийгмээс ангид байж үглэж дуулах эрх чөлөөний орон зай гэвэл энэ муу блог минь л байна. Энд өөр юу бичих үү? Хүүхэн хашрааснаа бичих үү?. Хийдэг ажлаа бичих үү? Олдог үрдэг орлого зарлагын тайлангаа тавих уу?. Эсвэл сонирхолгүй өдөр тутмын тэмдэглэл хөтлөх үү?

Болох л юм. За байз хамгийн сүүлд, аа тийм ажлын нэг хүүхнийг бааранд согтоогоод баруун талынх нь буудалд авч ороод баахан гөвсөн. Өглөө нь тэр нөхөр лүүгээ явсан. Өрвийгээд би бэлэн хоол дарж хоцорсон ... Огтоос ондоо байгаа биз. Аргагүй надаас бусад нь номтой, хүмүүжилтэй, энгэр чанга, түрийвч зузаан юм чинь.

Блог бол амьдралын тайз биш тэгэхээр энд жүжиглэх нь ашиггүй санагддаг.