1. Ирээдүйгээс ирэх зочин
Насыг хамт барж зовлонг минь хуваалцаж, жаргалд минь садаа үл болох сайхан бүсгүйгээс эхлэе. Одоохондоо надад байхгүй ч орчлонг ганцаар барж чадахгүй хулчгар учраас хайж олох нь дамжиггүй. Өө яахав нэг улаан зураас татчий. кк
-Тэр эмэгтэй байх нь шаардагдах хамгийн эхний шинж тэмдэг нь.
-Тэгээд урт үстэй байх нь мэдээж.
-Улнаасаа толгой хүртлээ урт нь 172-оос хэтрэхгүй байх.
-Өлмий дээрээ биш өсгий дээрээ явдаг гуталтай байх(өндөр бол шүү дээ).
-Өвдөгнийх нь хоорондох зай шагайгаараа хөлөө нийлүүлсэн үед тохой хэрээс хэтрэхгүй байх.
-Бэлхүүсээр нь тэвэрхэд бугуйнууд алгануудад харилцан баригддаг байх.
-Биеийнх нь жин бод малнаас хөнгөн байх.
-Орондоо ороод ноолоход хариу үйлдэл үзүүлдэг байх.
-Оройд унтахад хажууд хурхирдаггүй байх.
-Ид нойрон дунд шаарддаггүй байх.
-Илүү цагаар хөлс урсгаж ажиллуулдаггүй байх.
-Будаагүй үед нь танихаар байх.
-Будаж шунхдахдаа түмээс бага өнгө ашигладаг байх.
-Ажилтай төрөлтэй орлоготой байх.
-Амьтны нөхрүүд рүү ирмэдэггүй байх.
-Дэлгүүр дагуулж хэсдэггүй байх.
-Дэндүү үнэтэйг нь сонгодоггүй байх.
-Утаат тамхины үнэрийг жигшдэггүй байх.
-Унгахдаа сануулж уучлалт гуйдаг байх.
-Ходоодноос сануулга бага ирүүлдэг байх.
-Хоолой давахаар л хоолыг хийчдэг байх.
-Архи ууж агсам тавьдаггүй байх.
-Айлгаж зовоож аашилдаггүй байх.
Бичээд байвал олон байна аа. Би ч бас гэж маягтаймаа. :P
2. Ласт ээкс гёорл фрээнд
Тэр одоогоор надад хамгийн ойр байсан сүүлийн бүсгүй хүн. Хувьсгалт намаас нэр дэвшсэн. Мөрийн хөтөлбөрт нь хошгирчихоод мөнчиг их харууссан даа. Тэр түргэн зантай, нялуун үгтэй, сэрэл ихтэй, сэтгэл нь хөдлөмтгий. Тэр гишүүнийхээ эрхийн бүрэн хугацаанд өөрийгөө л бөөцийлсөн. Тэгээд л халаа сэлгээг хийхээр шийдэж, тэр нэг өдөр иргэний дайн дэгдээсэн. Одоогоор тэр өөр тойрогт дэвшиж байгаа биз. Ямартай ч тэр орчин үеийн романтик бүсгүй, оройд нь шаналж, өглөөд нь яардаггүй амгалан ухамсартай. Яавч надад таарах хүн биш.
3. Зам зуур тохиох зэрвэс бүсгүйчүүд
Тэд ихэвчлэн тэнэгдүү байх нь олонтаа, тэвчишгүй олон ааштай байх нь бүүр ч элбэг. Өөдтэй хувцаслаж, өнгөлж буддаг. Өөрийг нь магтахад туйлаас дуртай. Хямдхан магтаалууд, хэдэн өдрийн судалгаа, бас бус шаардлагатай гарлага, барагтай хэдэн өдрийн золиос л тэдэнд хэрэгтэй. Онцолж сэтгэлд үлдэхдээ ховор ч оч гялбуулж дур татах огтоос зорилгогүй мэт тийм л амрагууд.
4. Кийбанд буюу кийбэр анд
Бид найзууд, биеэрээ биш сэтгэлээрээ найзууд. Эгзэг нь тааруул эргүүлчмээр. Эмэгтэйлэг сайхан сэтгэлтэй, эгэлхэн бүсгүй. Утсаар элдвийг чалчиж урам авч бас сэтгэл өегшдөг. Улаан хацаргүй ч жинхэнэ монгол бүсгүй. кк.
5. Дурсамжинд хоногшиж дуулиан тарьдаг тэр л бүсгүй
Тэр бор шар үстэй тэгээд бас ногоон ч гэж хэлж болохоор нүдтэй, мөрөндөө дөнгөж шүргэм зөөлөн шингэн үстэй, мөнөөх нь дандаа л хойноо боолттой. Арьс нь зөөлхөн бас цагаан, адгахаараа минчийж улайдаг, бага зэргийн махтай дундаж биетэй, барагтай инээдэггүй, гунихдаа дуртай(яг л над шиг). Сагс, теннис тоглочихдог. Сайн мэддэг хичээл нь тоо, физик. Жийнс, кээтээр жирийн л хувцасладаг, жилийн аль ч улиралд арьс нь хуурайшдаггүй. Гэр амьтай, гэдэс гарах дуртай, орооцолдож амрахдаа дуртай, осгох үед илчтэй. Аливаад хүлээцтэй, бодохдоо нухацтай. Аашлахдаа дуугаа хурааж, гомдохдоо уйлчихдаг. Аавын охидын л адил охин. Онцгойрох юм юу ч үгүй атлаа. Ойр байхад нэг л сайхан. Одоо ч мэдрэгдэх шиг.
