Утга алга уу?

Энэ хүмүүс яазарцын бэ?. Энэ хорвоо яазарцын бэ?. Аз жаргал гэдэг зүйл зүүдэнд л байсан ч юм шиг. Хүүхэд байхад анзаардаггүй байсан гэж үү?. Аав минь гунигласан ч баяртай явдаг байсан хэрэг үү?. Ах минь дурласан ч дүүтэйгээ л хамт тоглодог байсан хэрэг үү?. Эгч минь хаягдсан ч инээсээр л явдаг байсан хэрэг үү?. Ээж минь энэ хорвоог тийм л сайхнаар хардаг байсан гэж үү?. Хүүхэд цагын минь дурсамжинд хорвоог үзэн ядах талаар хугасхан ч толбо үгүй. Харин өнөөдөр амьдрал нэг л сонин. Манайх гэдэг айл оройд ширээгээ тойроод хоолоо иддэг. Өглөөд босоод угаалгын өрөөнд дугаарладаг. Үдэш нь зурагтын суваг булаалддаг өнөр айл байсан. Харин одоо тус бүрдээ зовлонтой. Тусдаа эдлэх баяруудтай харь хүмүүс болж. За энэ ч яахав. Өдий насанд эгчийн өвөрт унтаж, ээжийхээ мээмийг идэж, айлын хүүхдийг ахаараа зодуулна гэж юу байхав. Ажил дээр бялдуучлах, айлын эхнэрийн өмнө аяглах, атмаан залуугын өмнө айж жижгэрэх. Ай ер нь л бүгдээс залхаж байна. Гэхдээ ганцаардлаас айж байна. Айж байгаа ч бусдаас залхаж байна. Залхдаг бусдаараа бас ганцаардаж байна.

Хүмүүс худлаа инээхэд би дургүй

Хуумгай инээдийг нь дагаад мишээдэг өөртөө бүүр ч дургүй

Хацар дээрээ үнсүүлэх гэж маяглах охидод дургүй

Хацар дээр нь үнсчээд давраад хүзүү рүү нь шунадаг өөртөө илүү дургүй

Өглөө босоод хялам ч үгүй хаяад явдаг бүсгүйд дургүй

Үдэш нь санагалзаад гэгэлздэг өөртөө хамгаас дургүй

Өрөөлөөс илүү би өөртөө дургүй

Өрөөл нь өөртөө биш надад дургүй

Өнөөдөр дэргэд үлдэх хүнгүй нь аргагүй

Өнгөт орчлон ингээд л сонирхолгүй.

Ядаж байхад цагаа олж хямардаг нь ч юув дээ эдийн засаг. Яагаа ч үгүй байхад нь тосоод хямарчдаг ядарсан оронд төрсөн нь ч болж дээ. Ядмагхан ухаанаар ихийг бүтээнэ гэх яруу алдартнууд олширч ядуухан ажилдаа даруухан зүтгэхэд ч бэрх болсон цаг байна. Яана даа.

Хэзээ билээ дээ энд эрээчээд л суух сайхан байж дээ. Харин өнөөдөр болоогхоноо хаяад борви бохисхийлгүй зүтгээд амьдрал дээрдсэн юм алга аа. Алслан холдох амьдрал хурдан ч юм шиг, удаан ч юм шиг. Хүсч тэмүүлэх амьдрал өөдөөгөө тэмцэвч нүдэн дээр минь тэр надаар даажигнан холдсоор "хэзээ ч чи надад хүрэхгүй ээ" хэмээн хөхрөн алслана. Гаслантай. За яахав. Чамайг мартъя. Чамтай чамгүй би амьд л байна. Гэтэл чи намайг зүгээр орхихгүй. Туйлбаргүй зангаар минь тоглочих юм. Өөрийгөө саатуулах зүйлийг олох хэрэгтэй. Юу?. Хайрлаж сурах. За за өвчин хөдлөх нь. Би нь би1, би2 болж хоёр хуваагдаад хоорондоо маргаад эхлэнэ.

Ажил төрөл бахь байдгаараа л. Гэнэт баяжих монгол мөрөөдөл намайг эзэмдсэн хэвээр л . кк. Амьдрал бахь байдгаараа л. Дараа тухтай бичье дээ.

эхэлсээн. ахиад л...

Та аль ямар брэндийн бүтээгдэхүүн хэрэглэдэг вэ?

1. Саван (хатуу, шингэн)

2. Үсний шампунь, ангижруулагч, тэжээлийн тос, маск

3. Гель, лак, хөөс, вакс

Хариулсанд тань баярлалаа. Хариулт бүхэн тань тус хүргэх болно.

Ёстой лаларын өдөр байх чинь. Юу ч хийх хүсэл алга. Компьютерээ хага цохиод дисплэйгээ салгаж аваад хана луу саваад дээр нь дэвслээд дандададарарада бүжихсэн. Захирлыгаа заамдаж аваад баруун талаараа хав золгоод татаж хавираад тархиар нь саваад унангуут нь нүүрэн дээр нь унгахсан. Хамаг ажлаа хаяж орхиод гудамжинд гүйж гараад хоёр гараараа нүдээ таглаад урсгал сөрөөд замаар гүйхсэн. Такси бариад таарсан зүгтээ яваад буухдаа мөнгө нэхсэн гар луу нулимж нармайг нь нээж орхиод буухдаа буруу талын хаалгыг нь хага савахсан. Дэлгүүрт ороод харилцааны соёлгүй хачин худалдагчын бөгсийг нь гаргаад өвдөг дээрээ элгээр нь хэвтүүлж байгаад олон түмний нүдэн дээр онжгон дээр нь алгадахсан. Харцанд өртсөн бүхнээ халгайгаар хацар нүүрийг нь түлэхсэн. Хамгийн өндөр барилга дээрээс хамаг хувцсаа тайлж үсрээд агаарт арван ес эргэлдээд амь тавиад амар жимэр болохсон. ха ха. Өшөө тэгмээр ингэмээр олон юм байна. Доор байдаг дальчгар хүүхнийг доороо хийжугаад .... за за болилоо.

Өнөө өглөө буруу хөл дээрээ боссон бололтой бүтэлгүй шээт явдлууд яасан их таарваа?. Таксинд утсаа мартаж буусан. Ядаж байхад ямар таксинд сууснаа санадаггүй. Суудлыг нь буулгаад унтаад явсан болохоор юу ч санахгүй нь. Ажил дээр ирэнгүүтээ үнэмлэхээ мартсанаа санаад ахиад гэр лүүгээ явсан. Дэмн. Тэгээд өдрийн тал өнгөрч байхад өнөөдрийн ажил нурж унаад дуусгавар болов шд. Хараал ид. Хэн нь хараачив даа. За энэ ч яахав. Оноос хойш өөрийгөө өөд нь татаад өнгө зүстэй, уужуу ухаантай, унжгар гүзээтэй, дансандаа мөнгөтэй, даруу төлөв иргэн хүн болох эхлэл маань юу болж байна?. Ямартай ч хямралын үед хэрэг болгож ажлаа соличихсон. Шинэ ажил маань стресс багатай, жимбэгэр хүүхнүүд олонтой. Өнөө төлдөг хэд нь өндөр биш ч булхайгаар үлдсэн хэдийг нь авчих биз. Ха ха. Өнөө цагт булхайгүй хүн хаана байна. За энэ ч яахав. Адал явдлын хувьд бас л байна аа. Мэр сэр мэнгэтэй мэнгэгүй хүүхнүүд "эхнэр хүүхэдтэй" юу? этр гээл асуугаал. Тэхээр нь "байгаа байгаа бага охин маань чамтай чяцуу" гээл гальт маазраал. Гэхдээ одоо уургалж унагааж уруу татаж секс хийх гэж чичирдэгээ болиод уужуу ухаанаар сэтгэж үнэ цэнэтэй бүсгүй хүн гэдгээр нь хардаг болж байгаа. Болцон ч биш л дээ. Болно гэхдээ. За нэг иймэрхүү л явжээнэ. Харин гэгэлзээл гэртээ харихаас ч дургүй хүрдэг хөнгөн зан маань хэвээрээ шүү. Хүчилж байж нэг юм 11 цагт харих юм аа. Амьтан тэжээдэг ч юм бил үү. Хөөрхөөн охин гөлөг, эсүүл энхрий ялдам охин муужгай ч юм уу? гүй ээ өхөөрдөм охин бүжин туулай. Ха ха дандаа охин хүйстэй юу. Гүй ээ хамгийн гоё нь охин эхнэр юм байна. Олдохгүй л дээ. Одоо цагын энэ охид хүүхнүүд үү. Нэг л сонин болчихжээ. Хаа сайгүй гунхалзах гулилзах олон охид нь хэрсүү биш хэврэг бодолтой, бөгсөө хэт анхаардаг болчихож. Секс хийхийн төлөө нөгөө эрчүүд нь сарын сүүлийнхээ хэдээс хумслан хумслан бэлэг сэлт барьж байж  сая л нэг өвөртлөхчөө аядна. Хэн хүнгүй эр эмгүй бүгд л хүсдэг хэрэглэдэг, бүгдэд хэрэгтэй хойно хэн хэндээ төвөг удахгүй цагтай нартай хэмжээ дамжаатай хэмнэлээ тааруулаад хийчихэж баймаар. За за элийрэх ч яахав. Эртхэн харьж  ясаа амраая.

Зиа шараа шараа. Ичжийнэ. Гэхдээ яады надаа боломж байгаагүй ээ. Харин одоо олджээнэ. Хайрт найз Пирээс биш ээ Пиршка бишээ Фриска гүйэ Саруулдаа төрсөн өдрийн чавиииииииииииииииииииииииииииийн чассссс халуун мэндийг хүргэе ээ. Нэг насыг нэмлээ нэгэн залууг бас хаялаа. Нэлээн хэдэн ч настай боллоо. Нэлээдгүй ч залуусыг хаялаа. Одоо ингээд тогтоно байгаа миний найз. ха ха. За за наргиа. Ямартай ч шинэ оны халуун мэндийг давхар хүргэчий. Сайхан хайртай учирч санаа сэтгэл чинь дурлалд солиорч сэтгэж бодож эргэцүүлэх завгүй явтугай. Ноднин уржнан энэ жил дараа жил бүгдэнгийх нь бэлгийг бөөнднө өө баяжихаараа.

Хайрлаж хямгадах хэрэгтэй амьдралыг бас өөрийгөө. Хожимоо харуусахгүйн тулд. Хүн аливаа зүйлд итгэж үнэмших нь зарим талаараа өрөөсгөл. Амьдрал анги давхарга бүртээ чамаас өөр зүйлсийг шаардана. Харин бид түүнд нь уусан шингэж орхидог. Ингээд л эцэст нь төөрсөн залуу тавийн тал насныхаа амьдралыг эргэцүүлж сууна. Тиймээ би үрсэн. Минийх л юм чинь гээд мянгантаа үрсэн. Сэтгэлээ дагасан. Сэрж мэдэрсэн бүхэндээ хориг тавиагүй. Маргааш үхэх юм шиг л өнөөдрөөрөө амьдарсан. Харин эцэст нь базаж хаялсан баахан хаягдалтай хогын сав руугаа унаж буй. Зовж сураагүйн гай дасч үл чадна. Босгосон гэх амьдрал үгүй атал үрсэн цаг хугацаа минь амьдралд намайг дэндүү дасгажээ. Үзэн ядавч, үл ойшоовч явж үл чадах хулчгар. Насны наран минь нийгмийн байдал болоод сэтгэл санааны хямралаас болоод эрт хазайж байх шиг. Харин өнөөдрөөс эхлээд өөртөө анхаарч эхлэхээр шийдсэн. Би залуу хүн. Дахиад эхлэх боломж бий гэж санана. Хамгийн нэгдүгээрт гэртээ эрт харьж байх хэрэгтэйг ойлгосон. Гэр амьтай хүмүүс хэзээ ч адал явдалтай учрахгүй. Учирдаггүй учраас тэд хайхгүй. Хайдаггүй учраас тэд амар амгалан. Гэр амьтай хүмүүс хайр дурлалдаа үнэнч. Гэрт нь ганц л амраг багтах учир. Өөрөөр бас олсон орлогоо хямгадаж байх хэрэгтэйм билээ. Хурааж хумьж хэтийн амьдралдаа нөөцөлж байх хэрэгтэйм билээ. Хэд гурваар нь ч гэсэн хурааж байвал хэрэг нь гарч л таарна. Найз нөхдөө уруу татахын оронд нэмэр болж баймаар. Насан туршдаа л бид нэг гэр бүл шүү дээ. Нартад хамгийн сүүлд хажууд минь үлдэх нь өнөөгийн дотнуудаас тэд л. Адагт нь хайр дурлалын тухайд аанай л бодох хэрэгтэй. Хэрэгтэй хэрэггүй хээнцэр ганган охид хүүхнүүд, хэрэг нь үл гарах агуу секс бодож явахаар. Хэзээд дэргэд үлдэх хэрсүү даруу аавын л охинд хэрсүүжиж эхэлсэн үлдсэн амьдралаа зориулъя. Тиймээ одоо болсон . Араатны араншингаар амьдарч хүсэл зоргоо суллаж эрх чөлөөг эрж хайж өчнөөн л явлаа. Утга алга. Учир нь би чинь хүн. Өвч биеээ бус өрөөлийг эрхэмлэж байж өөртөө аз жаргалыг олдог нь өнгөт орчлонгийн жам ч юм уу?.

Нойр аймар хүрч байна. Урд шөнө унтаагүй гээд бод доо. Гэхдээ шоу дарс хөөж яваагүй л дээ. Өнөөдөр 31-ний өдөр, орой ажил тараад харьж унтвал лав шөнийн 12 хүргэх биз. Аягүй бол он гартал унтаж ч магад.

Ямартай ч Банжигийн бүхий олон гишүүддээ шинэ оны баярын мэнд хүргэе. Ирэх ондоо санасан бүхэн нь сэтгэлчлэн бүтэх болтугай.

Нарийвчилсан ерөөлүүд:

Олли Цээгий хоёроо огтоос өөр ганган дэгжин Гала охид болоорой.

Хундагаа хормойгоосоо зүүгдсэн хорин хүүхэдтэй болоорой.

Скаа сахалтай хар хүнд дурлаад сайхан хайранд умбаарай.

Ёооё нүд аймар анилдаж байна. Тэсэхгүй нь уучил орой үргэлжлүүлий. Одоо ширээгий дэрлээд шүлсээ савируулаад хэсэг ч болов унтах минь.

Өчигдөр арай эрт унтсан өглөө овоо сэргэг өндийж байна лээ. Хэд хоног зовлон жаргалаа ялгахаа байсан золбин нохой шиг л явлаа. Ядрал, залхалт хоёрт ашгүй нэг юм дийлдэх шив. Амны билгээс ашдын билэг гэдэг дээ. Арай өөр зүйл ярих гэсийм. Учир нь үүр цүүрээр учиргүй сайхан зүүд зүүдэлчихсэн чинь сэтгэл гэгэлзээд ч байгаа юм шиг гиүрээд ч байгаа юм шиг. Залуу зандан цагын дурсамж сэдэрч амраг бүсгүйгээ зүүдэлсэн. Бас ч үгүй баахан үнсэлцэв. Тэр нэг мэдрэмж нь яг л мэдрэгдээд л. Хэлний үзүүрүүд шүргэлцэх нь хүртэл яг мэдрэгдээд л... Халуун дулаан амраглал үгүйлэгдэж байгаан байна даа.

Зүүдний тухайд энэнээс хэтрээгүй. Садартай зүүд биш. Ужид самуун бодол ч төрөөгүй. Зүгээр л үнсэлт. Зүгээргүй бас тэр нэг бүсгүй. Зүүд ер нь сонин. Муухай зүүд зүүдэлж байгаа үедээ зүүд гэдгээ зүүдэндээ мэдээд тайвшруулдаг хэрнээ сайн сайхан садартай зүүд зүүдлэхээрээ итгэсэн юм шиг гэгэлздэг нь сонин. Зүүдэлсэн зүүдээ мартчихаад сэтгэлийнхээ өөрчлөлтөд гайхаад өдөржин гайхшрах нь ч сонин. За за нэг иймэрхүү.