Утга алга уу?.

Зиа шараа шараа. Ичжийнэ. Гэхдээ яады надаа боломж байгаагүй ээ. Харин одоо олджээнэ. Хайрт найз Пирээс биш ээ Пиршка бишээ Фриска гүйэ Саруулдаа төрсөн өдрийн чавиииииииииииииииииииииииииииийн чассссс халуун мэндийг хүргэе ээ. Нэг насыг нэмлээ нэгэн залууг бас хаялаа. Нэлээн хэдэн ч настай боллоо. Нэлээдгүй ч залуусыг хаялаа. Одоо ингээд тогтоно байгаа миний найз. ха ха. За за наргиа. Ямартай ч шинэ оны халуун мэндийг давхар хүргэчий. Сайхан хайртай учирч санаа сэтгэл чинь дурлалд солиорч сэтгэж бодож эргэцүүлэх завгүй явтугай. Ноднин уржнан энэ жил дараа жил бүгдэнгийх нь бэлгийг бөөнднө өө баяжихаараа.

Хайрлаж хямгадах хэрэгтэй амьдралыг бас өөрийгөө. Хожимоо харуусахгүйн тулд. Хүн аливаа зүйлд итгэж үнэмших нь зарим талаараа өрөөсгөл. Амьдрал анги давхарга бүртээ чамаас өөр зүйлсийг шаардана. Харин бид түүнд нь уусан шингэж орхидог. Ингээд л эцэст нь төөрсөн залуу тавийн тал насныхаа амьдралыг эргэцүүлж сууна. Тиймээ би үрсэн. Минийх л юм чинь гээд мянгантаа үрсэн. Сэтгэлээ дагасан. Сэрж мэдэрсэн бүхэндээ хориг тавиагүй. Маргааш үхэх юм шиг л өнөөдрөөрөө амьдарсан. Харин эцэст нь базаж хаялсан баахан хаягдалтай хогын сав руугаа унаж буй. Зовж сураагүйн гай дасч үл чадна. Босгосон гэх амьдрал үгүй атал үрсэн цаг хугацаа минь амьдралд намайг дэндүү дасгажээ. Үзэн ядавч, үл ойшоовч явж үл чадах хулчгар. Насны наран минь нийгмийн байдал болоод сэтгэл санааны хямралаас болоод эрт хазайж байх шиг. Харин өнөөдрөөс эхлээд өөртөө анхаарч эхлэхээр шийдсэн. Би залуу хүн. Дахиад эхлэх боломж бий гэж санана. Хамгийн нэгдүгээрт гэртээ эрт харьж байх хэрэгтэйг ойлгосон. Гэр амьтай хүмүүс хэзээ ч адал явдалтай учрахгүй. Учирдаггүй учраас тэд хайхгүй. Хайдаггүй учраас тэд амар амгалан. Гэр амьтай хүмүүс хайр дурлалдаа үнэнч. Гэрт нь ганц л амраг багтах учир. Өөрөөр бас олсон орлогоо хямгадаж байх хэрэгтэйм билээ. Хурааж хумьж хэтийн амьдралдаа нөөцөлж байх хэрэгтэйм билээ. Хэд гурваар нь ч гэсэн хурааж байвал хэрэг нь гарч л таарна. Найз нөхдөө уруу татахын оронд нэмэр болж баймаар. Насан туршдаа л бид нэг гэр бүл шүү дээ. Нартад хамгийн сүүлд хажууд минь үлдэх нь өнөөгийн дотнуудаас тэд л. Адагт нь хайр дурлалын тухайд аанай л бодох хэрэгтэй. Хэрэгтэй хэрэггүй хээнцэр ганган охид хүүхнүүд, хэрэг нь үл гарах агуу секс бодож явахаар. Хэзээд дэргэд үлдэх хэрсүү даруу аавын л охинд хэрсүүжиж эхэлсэн үлдсэн амьдралаа зориулъя. Тиймээ одоо болсон . Араатны араншингаар амьдарч хүсэл зоргоо суллаж эрх чөлөөг эрж хайж өчнөөн л явлаа. Утга алга. Учир нь би чинь хүн. Өвч биеээ бус өрөөлийг эрхэмлэж байж өөртөө аз жаргалыг олдог нь өнгөт орчлонгийн жам ч юм уу?.

Нойр аймар хүрч байна. Урд шөнө унтаагүй гээд бод доо. Гэхдээ шоу дарс хөөж яваагүй л дээ. Өнөөдөр 31-ний өдөр, орой ажил тараад харьж унтвал лав шөнийн 12 хүргэх биз. Аягүй бол он гартал унтаж ч магад.

Ямартай ч Банжигийн бүхий олон гишүүддээ шинэ оны баярын мэнд хүргэе. Ирэх ондоо санасан бүхэн нь сэтгэлчлэн бүтэх болтугай.

Нарийвчилсан ерөөлүүд:

Олли Цээгий хоёроо огтоос өөр ганган дэгжин Гала охид болоорой.

Хундагаа хормойгоосоо зүүгдсэн хорин хүүхэдтэй болоорой.

Скаа сахалтай хар хүнд дурлаад сайхан хайранд умбаарай.

Ёооё нүд аймар анилдаж байна. Тэсэхгүй нь уучил орой үргэлжлүүлий. Одоо ширээгий дэрлээд шүлсээ савируулаад хэсэг ч болов унтах минь.

Өчигдөр арай эрт унтсан өглөө овоо сэргэг өндийж байна лээ. Хэд хоног зовлон жаргалаа ялгахаа байсан золбин нохой шиг л явлаа. Ядрал, залхалт хоёрт ашгүй нэг юм дийлдэх шив. Амны билгээс ашдын билэг гэдэг дээ. Арай өөр зүйл ярих гэсийм. Учир нь үүр цүүрээр учиргүй сайхан зүүд зүүдэлчихсэн чинь сэтгэл гэгэлзээд ч байгаа юм шиг гиүрээд ч байгаа юм шиг. Залуу зандан цагын дурсамж сэдэрч амраг бүсгүйгээ зүүдэлсэн. Бас ч үгүй баахан үнсэлцэв. Тэр нэг мэдрэмж нь яг л мэдрэгдээд л. Хэлний үзүүрүүд шүргэлцэх нь хүртэл яг мэдрэгдээд л... Халуун дулаан амраглал үгүйлэгдэж байгаан байна даа.

Зүүдний тухайд энэнээс хэтрээгүй. Садартай зүүд биш. Ужид самуун бодол ч төрөөгүй. Зүгээр л үнсэлт. Зүгээргүй бас тэр нэг бүсгүй. Зүүд ер нь сонин. Муухай зүүд зүүдэлж байгаа үедээ зүүд гэдгээ зүүдэндээ мэдээд тайвшруулдаг хэрнээ сайн сайхан садартай зүүд зүүдлэхээрээ итгэсэн юм шиг гэгэлздэг нь сонин. Зүүдэлсэн зүүдээ мартчихаад сэтгэлийнхээ өөрчлөлтөд гайхаад өдөржин гайхшрах нь ч сонин. За за нэг иймэрхүү.

             ...Утаатай Улаанбаатрын жихүүн өглөө уур савсуулан алхах бүсгүй гараа хагас өргөн зөрж өнгөрөх жижиг тэргийг дагуулан харна. Түүний ард мөнөөх бүсгүйг даган нэг залуу зогсох аж. Тэд зам дагуу бээвэгнэн алхана. Арга ч үгүй биз нимгэхэн гоёлын хувцастай биеийг үүрийн жавраас ганцхан куртка хамгаалж дөнгөх нь юу л бол. Эмэгтэй гэр лүүгээ яарна. Сэтгэл нь түгших агаад түүний өмнө ямархан аюултай явдал хүлээж буйг тааварлана. Магадгүй энэ түүний анхны гэм биш байж болох. Гэвч тэр энэ удаад хожимджээ. Цаг хэдийнэ өглөөний зургаа болсон. Эр нөхөртэйгээ гэрлэснээс хойш олон жил өнгөрсөн ба  тэд хөөрхөн охиныхоо хамтаар гурвуул эгэлхэн аж төрдөг. Тэр ухаан уужуу бөгөөд гэр бүлийн ариун нандин байдлыг эрхэмлэнэ. Тийм ээ түүнийг хүүхэд байхад ч тэдний гэр бүл эцэг эх нь ийм л үлгэр дуурайл үзүүлсэн. Амьдрал түүнд нэг хайрыг өгч харин тэр үүнийгээ шүтэн тахиж хатуужин суусаар залуу насыг ухамсартаа хүлэгдэн үдсэн ажээ. Эр нөхрийнх нь чанд хатуу зан үүнд нөлөөлсөн ч байж болох. Гэхдээ амьдрал түүнийг мартсангүй. Шагнаж бас шалгахаа мартаагүй. Түүнийг тойроогүй. Чанд хатуу сэтгэлийнх нь өмнө өмөлзөх зүрхээ яалтай. Гэхдээ энэ агшинд түүний цээжинд ганц л айдас хургана. Түүний босгож бүтээж аливаа бүхнээ золиослосон амьдрал нуран унавал яах вэ? Хадам ээж аав нь юу гэх бол? Найз нөхөд ах дүү нар нь яаж хандах бол? Энэ бүхнээс илүүтэй эр нөхөр нь бодогдоно. Эрлэгийн элчийн дүрээр бодолд нь цухалзан цухалзан гарч ирсээр л. Энэ л агшинд тархи нь түүнд нэг л зам зааж тэр замын төгсгөлд нуран унах амьдрал нь байх агаад түүнээс цаашхи нь харанхуй. Ийн алхсаар тэр гэрийнхээ хаяанд ирж. Орцондоо ороод өгсөх шат нь яг л цаазын тавцан шиг агаад хаалга онгойгоод хаагдахад түүний толгойг тас татан хаяах мэт...

Хүмүүн бид нэг л амьдрах учир нэг л дурлах ёстой гэж үү? Нэг л хүнийг хайрлаж энэрч нэг насыг барах ёстой юу? Магадгүй тийм. Үгүй ээ тийм. Ухамсар надад ч үүнийг захидаг. Гэр бүл үр хүүхэд тэднийг хайрлаж энэрч өсгөж хүмүүжүүлж, улс эх орондоо зүтгэж чадсан бол нэгэн насны хэрэг, амьдралын өмнө хүлээсэн үүрэг. Улсын иргэн болоход чинь гардуулж өгсөн үнэмлэх чинь байна уу? Байгаа. Тэгвэл ажилла. Улс эх орон чинь шаардаж байна. Гэрлэх ордонд шохоорхолдоо итгэж баталгаажуулсан гэрлэлтийн баталгаа байна ш дээ. Тэр чинь бусдын гэр бүлийг үймүүлчих вий гэж хоёуланд нь өгсөн бусдын даалгавар. За боллоо. Ингээд л бид чинь энэ нийгмийн эрэг шураг болох нь тэр. Үүнд ямар ч эцэс төгсгөл байхгүй. Биднээс гарах үр хүүхэд бидний амьдрал алдаа бүхнийг давтаж бидэн лугаа адил шаналах болно. Бидний өвөг дээдэс ч ийм л байсан. Бид чинь төгсгөлгүй үргэлжлэх орчил хөдөлгөөнийг бүрдүүлэгч эгэл хэсгүүд. Гэхдээ бидэнгүй ч хөдөлгөөн мөнх.

Ууж идэхийн одонд төрсөн юм шиг өдөр хоногууд өнгөрсөөр л. Дахиад л утгагүйтчих юм. Хэт хувиа хичээсэн зан би-г маань уусгаж идээд дуусгах нь. Хэзээ ийм байлаа даа амьдрал. Хараал ид. Би дэндүү уйдамхай арчаагүй болжээ. Сэтгэл маань зугаа цэнгэлтэй гүн нөхцөөд зүрх маань хагарч бутарсаар бие минь ядарч гүйцэх нь. Хэзээ язааны ингээд ухаараад суух нь олширсоор атал зүгшрих нь үгүй юм.
Хором ч уйдаж үл чадах сэтгэл хямдхан
Хоног ч хөдөлмөрлөж үл түвдэх бие эмзэг
Харцанд догдлон сэрэх дурлал хөнгөн
Хайранд уягдаж үл тэвчих ухамсар худал

Маргааш бас л манай бяцхан Паарти болно. Энд тэнд эрээн мяраан охид залуус. Эзэнтэй эзэнгүй эхнэр нөхрүүд. Дарс, пийв, архи. Даруулга зууш амттангууд. Шимж, ууж, залгилж. Шилж, сонгож, амтална. Өрнөл хэсэг. Согтох нь согтож, сонжих нь сонжино.  Энэ баяр биш ээ. Эцэст нь согтуурал секс хоёрт л автана. Маргааш нь өрөө төлнө. Магад зарим нь зээл тавьна. Гэхдээ би дуртай. Гэмтэй бүхэнд бүүр дуртай. Садар зүйлд дэндүү дуртай. Санаа байвч сачий нь хүрэх нь даанч ховор. Нуух юун би гэмтэй залуу. Нүгэлт энэ сэтгэлийг яавал зохилтойв?.

Элий балай, эрүүл согтуугаа ч ялгахаа байлаа. Хайрлаж энэрч хамаг сэтгэл зүрхээ бэлнээр төлж орхиод тонгойн суугаад шаналахсан. Аль эсвэл гэгээрч соёлжиж гэмгүй ард шиг зүтгэж хүний нийгмийг хөдөлгөгч хүчирхэг машины эд анги нь болоод эцэс төгсгөлгүй амьдрахсан.

Хүн болсоор баярлаж гомдож гомдож гомдож гутарч гутарч гутарч гансарсаааааааааааааааааар явтал насны наран хэвийх зүгт хэдийнэ ханджээ. Цаг хугацаа нээрээ өршөөлгүй юм даа. Цагаан сар гээл идэж ууж идэж ууж идэж ууна. Бөөн мөнгө үрнэ. Баахан тоо нэмж хасаал гарсан үр дүнг нь хараал хэсэгтээ л шанална. Тэгээл идсэн ууснаа шингээж бааж бааж бааж яджийтал Мартын 8-н болчино. Хэдэн хүүхэн баярлуулж холгуулж холгуулж холгуулж холгуулж холгуулсан мөнгөөрөө ууж ууж ууж байтал Цэргийн баяр. За тэгээд Өмнөговь-д Усан цэргийн Флотод мянган цэргийн ЖА явсан гэсэндээ энэ баярыг ч назгай тэмдэглэнэ шүү. Бас л хэдэн халтарыгаа харамлан харамлан байж үрнэ. Тэгээд шартаал толгой ангалзаал ангалзааааал ангалзааааааал явжийтал нэг мэдсэн инээдмийн баяр болж байна гэнэ. Угийн наргианч хүн юм болхоор энэ баяр ч надад хамаатай л баяр. Тэгээл олон баяр тэмдэглээд хямарсан санхүүгээ өөд нь татах гэж хэсэг ажиллана. Дулааны улиралд толгой өндийлгүй ажиллаад хэд гурван юм олохтой үгүйтэй ирэв үү гүй юу? шинэ жил. Бас юун Монита вэ? Арван таван гурван жил үү юув энэ чинь? За монита зэрэг ч яахав. Хэдэн айл хэсэж таваг хуурайлж хэд гурван чихэр хармаалсанаа өгчихнө. Задалдаг барьдаг өдөр нь том бэлэг өгдөг гэсэн. Нөгөө л байнга гологдож буцаж ирдэг халтар чихмэлээ хальт угаагаал өгчинө дөө. За тэгээд баярлаж байгаад халчихаараа хачин баян хүн шүү дээ би чинь. Байгаагаа дуусгачаад бас дахиад зээлж барина. Төлөх дээрээ тулахаар татвага ятвага гээд төрхөндөө орчино доо гэж. Тэгээд нэг юм хуучин оныг үдэхчээн болжийтал дахиад л Цагаан сар. Өү шээт. Март 8. Өү ма год. Цэргийн баяр. Өү еээээ. Инээдмийн баяр. Хөүүүрэйй. Ахиад л ажил. Цаг хугацаа чи нээрээ өршөөлгүймаа. Амжилтын од, эрч хүч хийморь лундаа минь чи хаана байна. Өтөлж доройтохын цагт орхиод одож буй чинь энэ үү?. Ай амьдрал минь ээ чи.

Шинэ жил дөхөөд л охид хүүхнүүд маань аль хэзээний турах үйл ажиллагаандаа эрчимтэй орчихож. Палаажаа багахан аваад багтах төлөвлөгөө гаргацан байх юм. Ха ха. Турж багасч нарийсч амжихгүй бол яана даа хөөрхийс. Ажлын хэдэн хүүхнүүд гэж бөөн л догдлосон охидууд. Харин мань мэт нь яахав дээ. Гутлаа тосоор булж 3 хоног тавиад л өнгөлчинө. Хуучин муу хослолоо хими цэвэрлэгээнд өгчинө. Хоёр сороочигоо ээлжлээд жил жил өмсчинө. Хэдэн муу зангиагаа хайш яйш зангидаад хоолойгоо боочино. Харин оймс бандаг хоёрыг бол чаддагаар нь ёстой жил бүр солино шд. За тэгээд нүүр амны хувьд эмс хүүхнүүд шиг маяглах биш. Гуравхан ширхэг өрөвгөр сахлаа бас их ад үзнэ ээ. Хусаа л хаяна. Араас нь зүгээргүй бас сахлын ус түрхчинэ. Ааганд нь нүүр ам хорсоол явчина. Эмзэгээ эмзэг. За тэгээд үс гэзэгний хувьд бол засуулсан болно оо ямарчиг л. Харин өнөө гель мель бол ёстой түрхэхгүй шүү дээ. Тавхан ширхэг шингэн үсээ гельдчүүл юу болох уу?. Хоёрхон болчино. Дэмий. Тэгээл арзайгаал. Арван хуруугаа хармаандаа чихээл, ам нь жалир жалир гээл очий шд. Саа маа шаар мааран дунд орохоор сэтгэл хөдлөнө гэж жигтэйхэн. Эргэн тойрон гял цал. Саваагүй хүүхнүүд маань саргүй үдшийн саран наран болох гээл дуутай дуугүй, ил далд, их багаар өрсөлдөж өрвөлзөж эхлэнэ шүү дээ. Эхнээс нь авхуулаал дуустал нь үнсэнэ. Яады. Мэнд хүргэжаам чинь. Мэнд хүргэж дуусаа л 00 орно. Амаар дүүрсэн будаг шавраа угаадын. Баяр эхлэхээр багахан ууж эхлэнэ ээ. Тайзан дээр элдэв янзын тоглолт тайлан ший жүжиг шагнал зэмлэл. За ингэс тэгэс гэсээр ид дундаа орохоор эгшигт хайрцагаар элдэв янзын аялгуу явна. Дагаж баахан бүжнэ. Давраад хүүхнүүдээ эхнээс нь аваад эргэнэ. Толгой эргэнэ. Эргэсэн толгой яадаг билээ. Лайтай. кк

Үдэшлэг дууссан уу? үгүй юу? нэг л мэдхэд балай авдаг баар савандаа орцон суужээнэ. За тэгээл орилж чарлалдаал овоо наргина шүү дээ энэ хэд маань. Орой нь харин чихдэж чихдүүлэх юм гарах гээд байдаг талтай. Гэхдээ маргааш нь уучлалт гуйчихдаг болхоор яады. За за ямартай ч боллоо доо удахгүй.

Энэ жилийн хамгийн гоё палаажтайг нь эхний бүжгэнд урина. Хамгийн бага шавардсаныг нь хайрын үнсэлтээр үнсэнэ. Хамгийн дэрвэдэг хормойтойг нь авч хөгжмийн аясанд вальс эргэнэ. Харин өнөө онилсон хүүхнээ, хальт дагаастай, өдөөстөй харсаар л явна даа гэжжж.

Дуртай хайртай хамтлаг дуучидаасаа уйдна гэж харин ч нэг байхгүй дээ. Хотод ирсэнээс хойш дуу хөгжим сонсох хүсэл таашаал их байдаг болж. Арга ч үгүй биз. Хөдөө сонсох юмгүй. Олдож байгаа нь нөгөө зохиолын дуунууд. Үнэн панаалтай панаалтай дуунууд.
``Уруулд чинь шүргэхэд намаржин согтох юм``
чихшикккк. ха ха. За за мяалах ч яахав. Харин блог дээрээ флэш плэйэр тавьчихсан. Лист-ийг минь таалан соёрх.

1. Sugababes - Denial
2. Alicia Keys & Jack White - Another way to die
3. Linkin park - What i've done
4. One Republic - Mercy
5. Coldplay - Viva La Vida
6. Marchbox 20 - Push
7. Avril Lavigne - When you're gone
8. Keane - Crystal ball
9. Oasis - Wonderwall
10. Christina Aguilera - Beautiful
11. Suede - Beautiful ones
12. Bon Jovi - Thank you for loving me
13. Aerosmith - Fly away from here
14. The Calling - For you

Өчигдөр ажлынхаа компьютерт хуучныхаа хэдэн дуунуудыг суулгасан сайхан байна аа. Тайлан тооцоо гараад дуусчих байсан залхуу зан хөдлөөд бас л амжсангүй. Лайтай удаан тайлан байна аа. Хммм. Өнөөдөр уг нь гэртээ хийнэ гээд орой ажлаас гарахдаа хэдэн материал хэвлээд гарсан нь одоо лав алга. Бас л ажил цалгардах нь дамжиггүй боллоо. Яацарцан хүн гэхээр ганц өдрийн ажлыг долоо хоногт хийж бардаггүй байна аа. Өчигдөр орой найзуудтай хэсэг суусан. Хэсэг ч гэж бүхэл шөнөжин юм байна. Бас ч үгүй хэд хэдэн бар дамжаад авсан. Цагдаа нарын л хар гай. Тэгээд дамжсаар байтал охин чихдэж чадсангүй. ха ха. Чихдүүлэх ч нөхцөл байсангүй. Тэгээд арга ядаад муу найзыгаа чихдээд харьсан даа гэжж. Харин өглөө 6 хүртэл ажилладаг тэр бар янзтайм бил ээ. Ягаан дэвтэртээ хаягыг нь тэмдэглээд авсан. Өдөржин унтаж унтаж сая л өндийлөө. Хар шөл уух гэсэн ордоггүй. За тэгээд хар шөлөө ууж чадахгүй байгаа хүн өөр юу идэхэв дээ. Тэгсэн хэрнээ өлсөөд байх юм. Өчигдөр нээрээ ТВ-ийн нэгэн од бар-нд охин чихдээл явж байна лээ. Шаврын хаалт гэсс. ха ха. Гэснээс нийгэм маань бохирдоод бузартаад дуусч байгаан байлээ дээ. Цагдаа нар гэж хэдэн гуйлгачид. Ер нь энэ торгуулыг бэлэн мөнгөөр олгодог явдлыг зогсоох л хэрэгтэй. Тэгээд ч тэд үйлчилгээний байгууллага гэдэг утгаараа зохицуулах үүрэгтэй болохоос захирах, дарамтлах үүрэгтэй хүмүүс биш гэдгээ жаахан ч гэсэн ухаармаар. Нүднүүд нь тувт хармаа хэтэвч тэмтрээстэй. Яг л хоол эрсэн гөлөг шиг. Охид хүүхнүүд бас л. Чихдэж чихдүүлдэг ил болон далд садарлалт ёс заншил болтлоо хөгжчихөж. Охид хүүхнүүд гэлтгүй залуус ч адил. Би ч адил. Хэний эхнэр, хэний найз охин, хэн гээч сингл гар хэн хэнтэй хэдэн удаа юу юу яадаг яасан??. Цаг хатуу болжээ. Хайртдаа итгэж хардалтгүй амьдрах аргагүй болжээ. Хардуулахгүй амьдрах ч аргагүй болж. ха ха. Ер угаас эмэгтэй хүн гэдэг эр нөхөртөө эсвэл найз залуудаа насан үүрд үнэнч байх уу?. Анхны эмэгтэй Еваг л хар л даа. Сониуч тавьтаргүй нэгэн байсан юм бил ээ. Араар нь тавих тухай яриад байна л даа. Тавьж амжаагүй ч гэсэн араар тавьсанд тооцогдоно. кк. Тэгэхээр үүнийг хүлээн зөвшөөрөх хэрэгтэйм шиг. Гэхдээ хүлээн зөвшөөрлөө гээд хэдүүлээ нийлээд хүний өөрийн үр зулзагууд гаргаад хүн сүрэг шиг амьдрах биш. ха ха хүн сүрэг. Ганц нэг тохиолдолд бол уучилна. Эсвэл мэдэгдэхгүй байх хэрэгтэй. Мэдээж хүн л юм хойно дурлах эрхтэй. Сэтгэлээ өгч болно. Зүрхээ өгч болно. Гэхдээ ухамсараа л гээж болохгүй. Хамтын амьдралын ганц гав гинж нь миний мэдэхээр энэ ухамсар гээч л байх. Ухамсартай хүнтэй л хамт амьдрах хуна.

Шар өглөө байна ляа ляа ляа
Шалчгар үс шалбайна ляа ляа ляа
Шартсан залуу сулбайна ляа ляа ляа
Шал тэнэг юм бичнэ бла бла бла.

Үг Лобэ             Ая Лобэ
``Шар``
Лобэ
Грийтэст хитс оф Лобэ

Насны доройтлоо гэж ганц шөнийн дүн данг дийлэхээ байчиж. Тэгээд бас намуухан зөөлөн аялгуунд дуртай болчиж.